იურიდიული ასპექტები შესაძლო დავების დროს

●        შეამოწმეთ ხელშეკრულების პირობები, მათ შორის, რა პასუხისმგებლობა არის გათვალისწინებული ხელშეკრულების დარღვევისთვის. გადახედეთ ხელშეკრულებას ძირითად მომხმარებლებთან და მომწოდებლებთან.

●        ხელშეკრულებაში ფორს-მაჟორული გარემოებების შესახებ ჩანაწერი შესაძლებელია გიცავდეთ ისეთი შემთხვევების დროს პასუხისმგებლობისგან, რომელიც თქვენი კონტროლის მიღმა არის. ფორს-მაჟორი გულისხმობს ისეთ გარემოებებს, რომლის წინასწარ გათვალისწინება შეუძლებელი იყო.

●        მიიღეთ იურიდიული კონსულტაცია, რათა მაქსიმალურად შეამციროთ სადავო საკითხები. თქვენი შესაძლო პასუხისმგებლობის და რისკების იდენტიფიცირება დაგეხმარებათ თავიდან აირიდოთ მოულოდნელი საჩივრები.  

●        თუ გაქვთ წერილობითი შეთანხმება, ყურადღებით წაიკითხეთ, განსაკუთრებით დავის გადაწყვეტის ნაწილი.

●        გაარკვიეთ რა პროცედურებია გათვალისწინებული ოფიციალური შეტყობინებებისთვის.

●        გაითვალისწინეთ, რომ დავის შემთხვევაში, ელექტრონული ფოსტის მეშვეობით განხორციელებული კომუნიკაცია ან სხვა წერილობითი დოკუმენტი შეიძლება გამოყენებული იყოს მტკიცებულებად.

●        უმჯობესია მიზნად დაისახოთ, რომ დავა გადაწყდეს ფორმალური პროცედურების გარეშე. ამგვარი პროცედურა ბოლო შესაძლებლობად განიხილეთ.

●        შეამოწმეთ, თქვენს შორის არსებული ხელშეკრულებით ხომ არ არის გათვალისწინებული დავის ალტერნატიული გადაწყვეტის მექანიზმი, როგორიცაა, მაგალითად, მედიაცია. თუ ასე არ არის, შეამოწმეთ მეორე მხარე რამდენად არის მზად მედიაციისთვის ან დავის გადაწყვეტის სხვა არაფორმალური პროცედურისთვის.

●        ზოგიერთ შემთხვევაში, პროფესიონალი იურისტის დახმარების გარეშე საკითხს ვერ გადაწყვეტთ. თუმცა, ხანგრძლივი და ხარჯიანი იურიდიული დავები შეიძლება ზოგჯერ თავიდან აირიდოთ მოლაპარაკებებისა და სხვა არაფორმალური გზებით დავის გადაწყვეტის შემთხვევაში.

●        მნიშვნელოვანია გაარკვიოთ რა ინტერესები უნდა იყოს მხედველობაში მიღებული წარმატებული შეთანხმების მისაღწევად. მოლაპარაკების დროს, ინტერესები არის ყველა ის ფაქტორი, რომლის გარშემო მიმდინარეობის განხილვა. ორივე მხარეს აქვს თავისი ინტერესები.

●        ადამიანებს მოლაპარაკებების განსხვავებული უნარ-ჩვევები აქვთ. თქვენი სტილის დადებითი და უარყოფით მხარეების ცოდნა მნიშვნელოვანია, რათა გამოიყენოთ შესაბამისი უნარები სხვადასხვა ადამიანთან მოლაპარაკების დროს. გამოიყენეთ მოლაპარაკების დამგეგმავი, რომელიც სასარგებლო მექანიზმია, რათა უზრუნველყოთ მეორე მხარის გადმოსახედიდან საკითხის გაანალიზება მოლაპარაკების მიდგომის, შეკითხვებისა და საკითხების დაგეგმვის დროს.

●        იხილეთ მოლაპარაკებებისთვის საჭირო რჩევები. 

●        გეგმა - ყველა კარგი მომლაპარაკებელი ადგენს შეხვედრის გეგმას. მნიშვნელოვანია მოლაპარაკებისთვის წინასწარ მომზადება და ასევე იმის განსაზღვრა, თუ რა არის ის ზღვარი, რაზეც შეგიძლია დათანხმდე ან არ დათანხმდე. გაიაზრე, რამდენად მნიშვნელოვანია მოლაპარაკებებში გამარჯვება. ეს დაგეხმარებათ განსაზღვროთ, რამდენად ხართ მოლაპარაკების დასრულებისთვის მზად და ის მომენტი, როდესაც უარი უნდა თქვათ მოლაპარაკებაზე კონკრეტული შეთანხმების მიღწევის გარეშე.

●        ყველა ვარიანტის გაანალიზება - იფიქრეთ იმ ვარიანტებზე, რომელიც შეიძლება წარმოიშვას მოლაპარაკების დროს. მაგალითად, ნათლად განსაზღვრეთ ზედა და ქვედა ზღვარი, ასევე სხვა ვარიანტები, რომელი შეგიძლიათ შესთავაზოთ მეორე მხარეს. ეს ასევე მისცემს მეორე მხარეს იმის შესაძლებლობას, რომ არ იგრძნოს თავი დამარცხებულად.

●        მოლაპარაკების დასრულება - თუკი ყველა ვარიანტი განიხილეთ და ამან შედეგი მაინც ვერ გამოიღო, განხილვები უნდა დაასრულოთ. 

●        სასამართლოსთან შედარებით ის დაკავშირებულია ნაკლებ ხარჯებთან.

●        პროცესი მოქნილია და შესაძლებელია მისი მორგება თქვენს კონკრეტულ სადავო შემთხვევასთან

●        მედიატორებს გააჩნიათ სპეციალური უნარ-ჩვევები და ისინი დაგეხმარებიან ორივე მხარეს შეთანხმების მიღწევაში. მედიატორების რეესტრი შეგიძლიათ იხილოთ სსიპ - საქართველოს მედიატორთა ასოციაციის ოფიციალურ ვებ-გვერდზე: https://mediators.ge/ka/mediators/all/worldwide/all/all/0/1/

●        თუკი თქვენ მიაღწევთ შეთანხმებას, ის აისახება წერილობით დოკუმენტში, რომელიც აღსრულებადი დოკუმენტია.